LAÇIN ELENA

گؤزومون ایشیغی، اوره‌ییمین پارلاق پارچاسی، منیم عزیز قیزیم... ایللر نه چابوک کئچدی، سانکی داها دونئن ایدی کی اویقودا بالاجا اللریندن اؤپوردوم و سنین هر بیر شیرین گولوشونو، هر ایلک آدیمینی، سنین اوچون آچدیغیم او خاطره وبلاگیندا شوقلا قئید ائدیردیم. دوغولدوغون گوندن بو گونه کیمی، سنین هر بیر آنینی، سؤزلرینی و اوغورلارینی اوره‌ک سؤزلریمله او مجازی دفترده هؤرموشم. گؤز آچیب یومونجا بؤیودون؛ او دونن کی نازلی بالاجا قیزچاغینان، بوگونکی بؤیوک، باکمال و یاشیدلاری آراسیندا پارلایان بؤیوک بیر قیز اولدو. بوگون، تبریزین ناحیه خوارزمی فستیوالیندا بیرینجی مقامی قازانماغین خبرینی ائشیتدیگیمده، اوره‌ییم غروردان و بؤیوک بیر سئوینجدن سانکی کؤکسومه سیغمیردی...